.. منتديات أحلى زول ..
center][img]center][b][/center]
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

هلاليات فقط

اذهب الى الأسفل

هلاليات فقط

مُساهمة من طرف اوبرا في الأحد فبراير 14, 2010 7:15 pm

أجمل شئ أن تكون أنت مبعث الأمل في قلوب الآخرين
وأن تكون أنت قبلة الأنظار لكل الناس معجبين أم غيرهم من المتأملين
تقرأ الصحف لا حديث للناس الا هلال الشموخ
وتدخل المنتدى فلا تجد موضوع لقادة الفكر المريخي الا
عن الهلال
والله العظيم عظمة يا هلال فالكل يشير اليك بالبنان
في فرحك تفرحنا وفي حزنك تفرحهم وفي تيهك يغرق كل السودان
فلا تسأل ولا تستغرب فكل كبير هكذا حياته
سر يا مبعث الفخر والاعتزاز
فدونك الغير ضل لا يسير الا اذا سرت
ولا يظهر الا اذا ظهرت
لك الحب ولك الود يا بدراً في السماء يطل
وعلى العالم يهل وبه يستدل
avatar
اوبرا
أحلى زول مواصل
أحلى زول مواصل

عدد المساهمات : 30
تاريخ التسجيل : 25/07/2009

الرجوع الى أعلى الصفحة اذهب الى الأسفل

رد: هلاليات فقط

مُساهمة من طرف ساهورى في الأحد فبراير 14, 2010 7:18 pm

< فقد المريخ في الموسم الاخير ...كأس الممتاز الذي كان قد فاز به (تحكيميا) في الموسم السابق بعد خمس سنوات عجاف كان المريخ فيها (وصيفا).

< وفقد المريخ ايضا كأس السودان البطولة المحببة للوصيف والتي تتماشي مع وصافته.

< وكان المريخ علي المستوي الافريقي (طيشا) للمجموعتين.

< ويعتبر موسم المريخ الاخير هو الاسوأ له في السنوات الاخيرة..اذ خرج فيه بوصافتين..(وصافة تنطح وصافة).

< وصافة الممتاز ...(شخطتان...شخطة طويلة....سبع شخطات).

< وصافة كأس السودان...(شخطة ...رقصة ..طلوع برة الشبكة).

< خسر المريخ من الهلال افريقيا بثلاثية ...كانت تفاصيل الاهداف فيها علي هذا النحو.

< الهدف الاول سجله لاعب الهلال (المجنس) وصاحب الكتف المخلوع (ديمبا).

< هدف ديمبا زي (المرارة) بتمرق اول حاجة في (الضبيحة) ...والناس (بيضوقوها) حتة ..حتة.

< في ناس شفقانة ...الخروف يجمركوا ليك في نارو.

< الخروف ما بتشوف فيهو حاجة غير (خرج ولم يعد).

< الهدف الثاني في مباراة القمة الافريقية سجله عمر بخيت ...الشهير بي (ولدنا).

< اما الهدف الثالث فقد كان من نصيب القصير المكير ابوجلحات المجنس (ايفوسا هاشم ايفوسا)...اسمو كدا في الجنسية.

< عليه فاننا مجازا نقول ان انتصار الهلال الافريقي علي المريخ كان انتصارا بالتجنيس.

< بالتجنيس دي كيف يعني؟.

< بالتجنيس دي يعني زي الزول البشتري ليهو (جدادة) من السوق ويملأ الحلة بالكلام ويقول عاوز يعمل ليهو (مشروع دواجن).

< الدواجن التقصقص اضنينك ديل.

< نمشي للانتصار الثاني الذي حققه الهلال علي المريخ بثلاثية سادومبا.

< الهدف الاول بتاع سادومبا ...الحكم (مسحو).

< قال انتوا وقت مسحتوا (الايميل) في زول سألكم.

< قلنا ليهو طيب انتظر الـ (دي اتش ال).

< اكرم الهادي سليم ..زول مستعجل وما بقعد في حتتو...قام طلع...سادومبا شافو.

< انت بتطلع ساكت ليه؟...ما كلموك ..ما حذروك...ما قالوا ليك.

< الهدف الثاني دا عاوزين نحللو ليكم تحليل غنائي ...نحن زهجنا من (تنظير) لجنة التدريب ..ولجنة التحكيم وميرفت حسين.

< بالله ميرفت دي ما فاضل ليها إلا تشيل ليها (صفارة) في برنامجها (البحث عن هدف).

< هدف سادومبا بدأ من قطع سيف مساوي للكرة من مشطوب المريخ ونائب مدير الكرة الحالي مجاهد احمد محمد.

< مساوي عارف ليك سادومبا زول سريع تقول بالع ليهو (سلبة).

< شوووووووووو يجي فايت.

< سادومبا دا ناس سفاري بيشوفوا (رهاب ...رهاب).

< شوووووووووو بجي راجع. الشيء شنو؟.

< سفاري قالوا الي الان بربط في (الكدارة). عامل فيها (متحسس) شوية.

< عشان كدا ناس المريخ جابوا ليهم لاعب (مفلوق)...ناس الباشا فشلوا في الموضوع دا.

< خلاص يا ناس الهلال عاوزين تفكوا اي حاجة وتقبلوا علي اللاعب (المفلوق). الفلقة دي ما بنفوتها ليكم.

< لاعب (مفلوق) قالوا ناس المريخ سجلوه بي (درب واربع حبات).

< واحد عمل اتصال تلفوني من الخارج وقال انتوا ناس المريخ ديل سجلوا مدافع التكاسة وانتظروا (الكرت).

< الكرت إلا يجيكم من (نقابة التاكسي التعاوني)...او يصلكم من (الميناء البري).

< الكرت يكون (رخصة).

< نحلل غنائيا هدف (سادومبا) الثاني ....سادومبا بدأ الانطلاق من مقص الباشا وسفاري ....عشان كدا سادومبا وقت طلع منهم سفاري قعد يغني في (انا.. انا في التمني ديمة هديلي ساجع ما لقيت لي معين وما لقيت لي مراجع).

< نظام امير دامر اتخارج ..وعمل شتات.

< في اللحظة دي كاربوني شعر ان الموضوع خطر عليه قام يحذر في سفاري والباشا وموسي الزومة.

< موسي الزومة طبعا بلافح في الكلام ...قام وقت شاف كاربوني قعد يقول : (ما شفناه يا خلاني).

< تشوفوا وين؟...سادومبا دي شووووووووو بجي فايت.

< شووووووو بجي راجع.

< الشيء شنو؟. تقول (كشة).

< كشة في عينك.

< سادومبا بدأ انطلاقته من الوسط (من الاسكلا لو حل دمعي للتياب بلة)...بلة جابر في كنبتو دموعو جرن.

< سادومبا لقي الجري والطيران.

< المريخاب قالوا نطلع من الكلام الكتير دا ..وقصة الهدف الاول والهدف الثاني ...والوصافات المزعجة دي.

< فكروا قالوا طيب نحن نعمل؟.

< في واحد قال ليهم : انتوا ما عندكم حل غير انكم تطاردوا (المعز).

< اكرم الهادي سليم دا الفيهو اتعرفت.

< خلاص اتفقوا يطاردوا المعز..قرروا يغشوا جماهير المريخ زي ما بغشوها في كل تسجيلات.

< مرة قالوا حمودة ومرة قالوا ريتشارد ...(وقت كان ريتشارد ..ريتشارد).

< الجماعة ديل من شدة ما بحلموا ...عمر بخيت ذاتو قالوا (ولدنا).

< عمر الكلام دا ما بعجبو ...بقي كل مباراة يجيب فيهم (هدف).

< ومرة يقولوا الايميل اتمسح.

< والناس تصدق. ومرة الوكيل...ومرة لوزان. والناس تصدق.

< السنة دي بدأوا بي سادومبا.

< قالوا الزول البجيب ليهو (هاتريك) في مباراة القمة دا زول ما ساهل.

< سادومبا رجع. قبلوا علي المعز.

< الغريب في الامر ان المريخاب بقولوا انهم سوف يعطوا المعز مليار ونصف المليار.

< وبقولوا الهلال ما عندو قروش.

< هل يعلم المريخاب ان الهلال دفع في بكري المدينة قرابة المليار جنيه (حسب كلامهم) ، علما ان بكري المدينة لن يسجل في الهلال في هذه الفترة..وسوف يتجه اللاعب الي اهلي شندي ليعود للهلال في يونيو القادم.

< والهلال بنفس الطريقة دفع في فيصل موسي قرابة النصف مليار جنيه ليوقع اللاعب في كشوفات الاهلي شندي.

< اذا كان الهلال بدفع للاعبين سوف يسجلوا لاحقا في الهلال المليار ونصف المليار جنيه ...هل يعجز الهلال ان يدفع للاعبه المعز محجوب وهو الحارس الاول في السودان القيمة التي يريدها.

< علما ان القيمة المادية التي يقول المريخ انها سوف يدفعها للمعز محجوب سوف تذهب جلها للهلال اذا وافق عليها اللاعب ووافق الهلال ووافق الاتحاد العام علي فسخ عقد المعز وافترضنا افتراضا (عبيطا) ان الصفقة سوف تكتمل رغم تجاوزاتها القانونية.

< ولن يكون نصيب المعز محجوب اكثر من 300 مليون جنيه بعد ان يأخذ الهلال نصيبه اذا (افترضنا) اكتمال جوانب الصفقة، رغم الرقم الهلامي الذي يتحدثون عنه في المريخ.

< هذا المبلغ الذي يمكن ان يخرج به المعز من الصفقة بعد (الكسور والبواقي والخصم) هو بالطبع سوف يكون اقل من ما يمكن ان يحصل عليه اللاعب من الهلال في حالة اعادة تسجيله.

< ان (هضربات) الوصيف في الحلم بالظفر بالمعز محجوب هي خطرفات مقبولة..اذ من حق المريخاب ان يحلموا بالمعز طالما ان اكرم الهادي سليم هو الذي يحرس مرمي المريخ.

< كما ان (الوصافة) تصدر مثل هذا الهذيان ...وقد وقع (الوصيف) تحت تأثير وصافتين.

< احلموا بي سادومبا. واحلموا بالمعز.

< واحلموا بالايميل الممسوح...احلموا بمهند الطاهر وعمر بخيت وفييرا. احلموا تلعبوا مع برشلونة ...واحلموا تشيلوا الكأس.

< احلموا بي موبوتو. احلموا ساكت. فقد كان ابوالدردوق يحلم بان يعرس (القمرا).

< ملحوظة : ابوالدردوق في عينك.

هوامش

< المريخاب يظنوا انهم بالمعز محجوب يمكن ان يشغلوا الهلال من التسجيلات.

< في حقيقة الامر ..المريخاب هم الذين انشغلوا بهذه القضية الخاسرة ....ففشلت تسجيلاتهم باتفاق كل الخبراء.

< ناس المريخ عبدالرحيم (لاعب تحت السن) سجلوه بالاقساط.

< ناس سفاري ديل الموسم القادم ما بيلعبوا ليكم.

< الهلال يخطط لتسجيلاته برؤية ودراية كبيرة وحسب الحاجة.

< الهلال لم يحسم تسجيلاته لهذا الفترة فقط ...بل نجد ان الهلال أمن حتي تسجيلاته في يونيو القادم.

< مكاسب الهلال الحقيقية ليس تسجيلات هذا الموسم وانما مكاسبه في فيصل موسي وبكري المدينة اللذان سوف يلتحقا بكشف الهلال لاحقا.

< بكري المدينة صفقة التسجيلات الحقيقية.

< علي الهلال ان يتابع مستويات بكري وفيصل في الفترة القادمة وان يضعهما تحت العناية الفنية حتي لا ينخفض مستواهما وهما بعيدان عن الممتاز.

< لو نجح الهلال في تسجيل بكري المدينة عبر الاستثناء في هذه الفترة يبقي من الاولي للهلال ان يبحث احترافيا عن اطراف (شمال ويمين) من خارج السودان.

< هجوم الهلال بعد بكرى ونادر وكاريكا تأمن لمدة عشر سنوات.

< ووسط الهلال بعد فيصل موسي سوف يتآمن ايضا لعشر سنوات.

< المريخ بسبب المعز ...ما عارف يعمل شنو؟.

< الجماعة ديل لا قادرين يسجلوا لا قادرين يشطبوا.

< خبر عاجل : عرس ابوالدردوق فيه جزء تاني
avatar
ساهورى
مشرف أحلى زول رياضى
مشرف أحلى زول رياضى

عدد المساهمات : 39
تاريخ التسجيل : 01/08/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى