.. منتديات أحلى زول ..
center][img]center][b][/center]
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

بلادى أنا

اذهب الى الأسفل

بلادى أنا

مُساهمة من طرف * معتصم * في الأربعاء سبتمبر 09, 2009 9:03 pm

بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا معايا زي ضلى
لو ما جيت من زي ديل..
كان أسفاي وأسفاي وآمأساتي وآذلي.
تصور كيف يكون الحال
لو ما كنت سوداني وأهل الحارة ما أهلي
تصور كيف يكون الحال؟

*************************************************
avatar
* معتصم *
صاحب المنتدى
صاحب المنتدى

عدد المساهمات : 593
تاريخ التسجيل : 24/07/2009
العمر : 38
الموقع : السعودية

الرجوع الى أعلى الصفحة اذهب الى الأسفل

رد: بلادى أنا

مُساهمة من طرف مها عمر في الأربعاء سبتمبر 16, 2009 8:52 pm

مشكور يا رائع
كلمات من أجمل كلمات الأغانى السودانية
وبها أجمل المعانى
ليك شكرى وتقديرى لاختيارك الرائع
وسلمت يداك
avatar
مها عمر
مشرف صور أحلى زول التوثيقية
مشرف صور أحلى زول التوثيقية

عدد المساهمات : 222
تاريخ التسجيل : 25/07/2009
العمر : 33
الموقع : بدون

الرجوع الى أعلى الصفحة اذهب الى الأسفل

رد: بلادى أنا

مُساهمة من طرف المعزب في الخميس يناير 28, 2010 3:53 am

اختيارك رااااااااااااااائع
avatar
المعزب
أحلى زول مواصل
أحلى زول مواصل

عدد المساهمات : 34
تاريخ التسجيل : 13/08/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى